Punked


meh-car-need-replacing

Nah, all dem Graffiti vagrant buying meh a new Jumbo Jet

Ashton, you take meh waye pass meh bedtime to come out to art show and gate lock. Boy ah ain’t tell yuh how I find dem speaking like meh. Ah see one, ah see two, ah say oh ho, allyuh talking funny. Me aint understanding what dem saying. Boy, I just get comment about a Graffiti vagrant and he friends lying to he and saying nobody like it de bookmann. Ah say them feel I is bobolee, me ain’t saying notting. Ah feel like tell he I need Graffiti vagrants to come paint meh outside wall and around meh house, Christmas reaching soon. Is I suppling de white paint, is I giving dem de white chalk and charging dem after.

Boy meh eye boddering meh, I blind up wit seeing dem new all purpose Art blog. Art dis, art dat, flim, interview, Blog,Blog,Blog. I does laugh when it start yesterday and finish tomorrow. I does look way at dem first post, dem change it, next day, dem change it. Ah say, how dem minding, cow, goat, pig, fowl, snake at de same time? I feeling shame to tell you I feel all dem fraudulent, ah know is big word I using now. I gone to show in house foundation, dis wild girl come out wit cloth and have people wit big camera fliming. She going woo,woo, I get frighten, I see she making lines, bawling woo, woo den making big circle. Ah say what de asse, I spend meh good gas money to come out and see dis. After she finish, is big clap and dem talking hard on mobile. So I go hid to see she space ship land-ing. Ah look so, den so, next ting, boom, is gone she gone we.

I gone up stairs, a see Big Collar Poster… Hear dis name nah, Galvanize 2. Is six mont now and I an’t see nutting. Boy is politician handing out sweetie. Dem go read artpaper in dem building wit roof with big hole.

Ashton, dis does get meh, all man jack going fete later, dey saying to meh face, Are you going to that party? Ah ask she, who fete?, Meh once friend come up, she going too. Here dis, I asked she, who fete? she ain’t answer, I ask she again, she mout close. Oh hoe, you feel you is white, allyuh inviting. Ah say yes, dem walking like cock and hen passin meh straight. Yuh see why I does ge vex. I want to ask dem why dey cork?

Ashton, le meh tell yuh boy, meh island ha big brush show. Boy ah never see wantless before in meh life. Ah gone to see one, is big people dey asking passport, ID, driver permit, electronic birtpaper yuh need. Ah take out my mobile, ah show dem meh Junior Sec freepass piture. Ah, look, wey dem have women nanny skinup, man tocalunks hanging, and giant woman paint. Ah look at she , ah run and hid yes, de lord have he ways. Hear dis nah, I gone in second room, is I seeing man smiling watching man totee, ah say what, is stinking buller man dem have showing. Ah look around, ah head get confuse, is if I in dungeon with chain ball. Ashton, I know yuh marry to dat old hardback, she teach yuh more bedroom moves wit paperbag…..Bu, bu Ashton, what de mudder cunt, is laventille gun dem want meh find.

Hey Bookmann, you’ve been Punked! Dem Graffiti vagrant better be using decals on meh car, or is new one.

%d bloggers like this: